8週 ~ 9週

哩兩星期 .. 日子好似度日如年一樣咁辛苦！

夜晚食唔到野 .. 明明肚餓都食唔落 ..

記得有一晚更加望住碗通心粉喊哂!! 嗚嗚 .. 陰公豬!

希望辛苦既頭3個月快d 挨過啦!!

不過 .. 雖然辛苦 .. 但每2週1次既產檢可以比我見下bb的確可以將所有失落痛苦暫時放低

19/10/2013 .. 今次轉左醫生 .. 聽bk d jm介紹去睇施聰白醫生

診所Location 依然係尖沙咀 .. 上到去唔算太多人 .. 感覺都ok!

等左陣就到被叫名入去 .. 施醫生好清楚咁解釋9W既bb大概係點既樣 .. 照U/S會睇到d 咩 .. 跟住我就入去U/S房啦 .. 老公可以全程陪伴在側 =]

今次唔再用陰超啦 .. 響肚肚到查d gel 就可以啦!

bb比起上次照大左好多呀 .. 開始成形 .. 清楚見到頭同身 .. 仲有手手腳腳

頭同身既比例仲係1:1 .. 好卡通呢!! 施醫生話bb大d就會開始發育身體部分 .. 到時就唔會比例1:1了!!  醫生又貪得意開埋4D比我地睇 .. 哈哈! 不過bb始終太細 .. 唔太清楚見到個樣 .. 都係2D容易d睇!!

今次已經見到bb開始fing fing下d手腳啦!! 好可愛啊!!!!

施醫生仲驚我地唔識睇 .. 拎左個胎形既模形出黎解釋 .. 嗯!! 頓時非常清楚

跟住有再比我地睇閃閃(心跳) .. 由於上次老公無陪我產檢聽bb心跳 .. 所以今次請施醫生再播1次比我地聽 .. 每分鐘185下 .. 好快啊!! (心裡面輕輕哼起一句歌詞：聽著懷中的心跳讚造物神奇)

今次一樣照到有個水囊 .. 都成5. 2cm .. 施醫生話抱觀望態度 .. 一般都會3個月後會慢慢消失 .. 只要我唔痛唔出血就無事 .. ( 雖然上網search過原來好多人第1胎都會有水囊出現 .. 但大部分都會慢慢消失 .. bb會吸收左! 但其實都有點兒擔心 >_<)

bb .. 我地又要兩星期之後先見啦!!

6週 ~ 7週

相隔左2個星期 .. 終於到左覆診既時間啦!! 可以見到bb啦!!

講返哩2星期 .. 身體持續因為種種孕徵而不適 ..

不斷「作嘔」 .. 幸好只係「作」並無真係嘔出黎 >.<

非常疲累 .. 前所未有咁早訓 .. 電視都唔睇 .. 放假都無動力去街lu

4大長老為左唔想我山長水遠走黎走去 .. 分別黎左我地屋企食飯 .. 睇下我點!

大概 ~ 公主病是這樣形成的！ (笑)

04/10/2013 *7W3D

下午請左半日假去廣華登記 ..

上到去望落無乜國內同胞 .. 可能只係咁啱新症登記署果到無乜

快快手填左form .. 比埋醫生信同地址証明 .. 好快就搞掂走得!

今次佢比左2個日期我 .. 分別係「唐氏早期」同「第一次產檢」

*** 前後唔洗45 mins .. 早知咁快就唔請假啦!! /_\

夜晚細佬請我地去outback据扒 .. 雖然食得好少 .. 不過好滿足啊!!

05/10/2013 *7W4D

今日係milestone day .. 因為如果bb生長得好既話 .. suppose 應該係照到閃閃(即係bb心跳) 既時候 .. 我就因為怕有咩問題(嗟!) 搞到心情忐忑 .. 朝早個早餐都食唔落 .. 老公因為要返工而無得陪我去見醫生 .. 縱使佢口講到幾有信心 .. 但其實都比我搞到個心囉囉孿(佢話) .. wakaka!! 響診所出面等叫名既時候 .. 我靜靜同bb講一定要比我地睇到心跳呀! 唔好要爸爸媽媽擔心啊!! (finger crossed)

因為知道次次都要驗vv .. 所以一早飲定好多水!! 一上到去即刻可以驗 .. 比姑娘睇左眼就後就可以掉得!  可能等得太耐既關係 .. 到姑娘叫我名入去照既時候 .. 我已經又有少少急vv既感覺 .. 跟住醫生一照就話我d vv 遮住左 .. 要我去左toilet先再照 ..

好啦好啦!! 終於到返入去再照一次 .. 一照已經見到胎囊比上次大左好多呀!! 今次係呈長條茄子狀 .. 跟住醫生叫我睇下bb 已經有心跳 .. 仲播出黎比我聽~ 果刻真係好感動 .. bb真係好乖 .. 有聽到我地既說話架! (可惜爸爸唔在場見証咁歷史性既一刻 >_<) 醫生話bb每分鐘心跳有167下! 好快呀! 不過醫生話好正常! 跟住就度CRL .. 有成1.35cm .. bb仲比我預期大左2日! 係7W5D!! 


醫生話所有野都好好 .. 叫我下2個星期再返黎照 .. 原先諗住隔耐d 先再照既 .. 不過醫生話哩幾個禮拜好關鍵 .. 照密d keep住check bb心跳 .. 到過左1st trimester個胎穩定左就可以唔洗照咁密啦!

離開診所果一刻 .. 真係有種如釋重擔既感覺!

第1時間通知左老公同媽咪啦!! 開心到佢地呢 :p