4週 ~ 5週

4週+

自從自己驗到bingo之後就去睇婦科醫生 .. 做左第1次產檢

照超聲波果陣 .. 醫生話未見胎囊 .. 因為太早啦!!

但醫生check 左話好大機會係宮內孕而唔係宮外孕

跟住做左少少檢查 .. 再問我有無食定葉酸 .. 驗埋尿糖/蛋白就走啦!

下個禮拜返黎再照

走果陣 .. 老公問其實今次checking 係咪太早無必要呢？ (我自己都有d 懷疑)

佢assumed左我係一定知道程序 .. 幾時check .. 要食d 乜等等

跟住我已經開始唔係幾開心 .. 我都係第1次有bb咋大佬! 點知咁多野?

好委屈 .. 好委屈 .. 唔夠5 mins我已經開始喊起黎啦!! 

(以往咁少既事跟本我唔會動怒 .. 但依家竟然不由自主地喊起上黎@0@)

仲要好耐好耐仲平伏到心情 .. (無奈)

5週+

今個星期係中秋節 .. 好彩連續有幾日假期比我休息下 .. (日訓夜訓 .. 完全不事生產! 豬一樣!)

而家每日都好累好易眼訓 .. 每日返工都好似生屍走肉咁 ..

反胃/無胃口 .. 作嘔作悶 .. 口淡淡 .. 超疲累等早期孕徵開始湧出黎!!!

今次再去醫生到檢查 .. 今次好明顯見到一粒腰果狀既物體啦 ..

醫生話果個係胎囊 .. 仲見到入面有個小圓圈 .. 咁就完全証實左係宮內孕啦！

今次比起上次大左一倍有多 .. 有1.36 cm .. (咁我都安心鬆左一口氣)

一樣驗埋尿糖/蛋白跟手約埋下次覆診時間(2 wk後) 就可以走啦!

之後老公要返工 .. 我就拎左電腦去荔枝角到整 .. 係見到地鐵站其中一個出口可以去AEON荔枝角店 .. 而我梗係唔會放過哩個行街既好機會啦!! (女人天性)

咁岩依家做緊BB展 .. 上去行左陣 .. 有d 貨品折上折其實幾抵的! 不過我都係睇多過買 .. 始終太早啦! 唔想買黎擺到封塵都未用!!

響supermarket 買左排日本雞蛋 .. 好平啊!! 依家我每日早餐都食一隻烚蛋白+牛奶 .. 希望比足夠營養bb .. 但其實我實在無胃口食呢! (為左bb我會堅持食)

行左只係一個鐘左右已經見累 .. 即刻要碌返屋企小睡zzZ

希望下次再照超聲波既時候 .. 可以見到傳說中既閃閃啦!!